सरकारी नोकरी करण्याची अनेकांची इच्छा असते. सरकारी विभागात वेगवेगळ्या भरतीप्रक्रिया नेहमी राबवल्या जातात. नुकतीच एआयईएसएल कंपनीत भरती जाहीर करण्यात आली आहे. या नोकरीसाठी पात्र उमेदवार अर्ज करु शकतात.
एआय इंजिनियरिंग सर्व्हिसेज लिमिटेडमध्ये ७६ पदांसाठी भरती करण्यात येणार आहे. रिजनल ऑफिसर आणि असिस्टंट सुपरवायजर पदासाठी ही भरती जाहीर करण्यात आली आहे. १ सप्टेंबर २०२४ पासून अर्ज करण्यास सुरुवात झाली आहे. २४ ऑक्टोबर २०२४ ही अर्ज करण्याची शेवटची तारीख आहे.
या नोकरीसाठी विविध पदांसाठी शैक्षणिक पात्रता वेगवेळी आहे. या नोकरीसाठी मान्यताप्राप्त विद्यापीठातून ग्रॅज्युएशन झालेले उमेदवार अर्ज करु शकतात. त्याचसोबत उमेदवाराकडे एवीएसईसी सर्टिफिकेट असणे गरजेचे आहे. नोकरीसाठी अर्ज करणाऱ्या उमेदवारांची वयोमर्यादा निश्चित करण्यात आली आहे. कमाल वयोमर्यादा ही ४० वर्ष आहे.
या नोकरीसाठी उमेदवारांची निवड परीक्षेद्वारे केली जाणार आहे. परीक्षेनंतर तुमची मुलाखत घेतली जाईल. त्यानंतर कागदपत्रे पडताळणी केली जाईल. या नोकरीसाठी अर्ज करण्यासाठी तुम्हाला १००० रुपये अर्ज शुल्क द्यावे लागणार आहे. या नोकरीसाठी तुम्हाला २७,००० ते ४७,००० रुपये पगार मिळणार आहे.
याचसोबत सध्या रेल्वेमध्ये आणि विविध बँकांमध्ये भरती सुरु आहे. सेंट्रल बँक ऑफ इंडियामध्येही भरती सुरु आहे. रेल्वेमध्ये जवळपास १८००० जागांसाठी भरती जाहीर करण्यात आली आहे. याबाबत माहिती तुम्ही रेल्वेच्या वेबसाइटवर जाऊन चेक करा.
Discussion about this post