जळगाव : सेवारथ परिवाराच्या वतीने 2010 पासून सुरू असलेल्या उपक्रमांतर्गत एचआयव्ही सहज जीवन जगणाऱ्या मुलांसाठी सकस आहार वाटप कार्यक्रमाचे आयोजन करण्यात आले. यावर्षीचा कार्यक्रम भारतीय जैन संघटना हॉल येथे मोठ्या उत्साहात पार पडला.
कार्यक्रमाचे प्रमुख अतिथी आमदार राजू मामा भोळे होते. त्यांच्या सोबत जळगाव शहराच्या तहसीलदार डॉ. शितल राजपूत, डॉ. अमित भंगाळे, डॉ. नेहा भंगाळे, डॉ. नीलिमा सेठीया, ABP माझाचे चंद्रशेखर नेवे, प्रकाश सेठीया, जोशना रायसोनी, रजनी मंडोरा, खुशबू टाटीया, लता बनवत, भारती कुमावत, स्वाती पाटील आणि वंदना पवार यांची उपस्थिती होती.
कार्यक्रमात शंभर एचआयव्ही प्रभावित मुलांना सकस आहार किटचे वाटप करण्यात आले. याशिवाय, दोन गरजू महिलांना आमदार राजू मामा भोळे यांच्या हस्ते शिलाई मशीन देण्यात आले. या प्रसंगी तहसीलदार डॉ. शितल राजपूत आणि आमदार राजू मामा भोळे यांनी उपस्थितांसोबत संवाद साधत गरजू मुलांच्या व महिलांच्या अडचणी सोडवण्याचे आश्वासन दिले. त्यांनी रेशन कार्ड बनवून देणे, संजय गांधी निराधार योजनेची मंजुरी, घरकुल देणे तसेच गरजू महिलांना शिलाई मशीन उपलब्ध करून देण्यासाठी पुढाकार घेण्याचे वचन दिले.
सेवारथ परिवाराच्या या उपक्रमाचे उपस्थित मान्यवरांनी कौतुक केले.
Discussion about this post