जळगाव जिल्ह्यात निवडणूक कर्मचाऱ्यांच्या वाहनाला अपघात

जळगाव । महाराष्ट्रात उद्या म्हणजेच २० नोव्हेंबरला एकाच टप्प्यात विधानसभा निवडणुकीसाठी मतदान पार पडणार असून मतदान करण्यासाठीची प्रक्रिया पूर्ण होत आहे. निवडणूक कर्तव्यावर असलेले कर्मचारी आपल्या आपल्या मतदान केंद्रावर मतदानाचे साहित्य घेऊन रवाना होत आहेत.

दरम्यान जळगाव जिल्ह्यात मतदान साहित्य घेऊन केंद्रावर जाताना निवडणूक कर्मचाऱ्यांच्या वाहनाला अपघात झाल्याची घटना समोर आली. याबाबतची माहिती जिल्हाधिकारी कार्यालयातून देण्यात आलीय.

11 रावेर विधानसभा मतदारसंघातील नियुक्ती असलेल्या शिक्षण विस्तार अधिकारी मीनाक्षी रामदास सुलताने, प्राथमिक शिक्षिका ज्योती गोपीचंद भादले , ,कविता बाविस्कर,लतीफा परवीन चांद खान यांच्या खाजगी गाडीला किनगाव बु. जवळ अपघात झाला आहे. पुढील उपचाराकरिता सदर महिलांना चोपडा येते हलविण्यात आले आहे.