चाळीसगाव । चाळीसगावमधील नागद रोडवरील पेट्रोल पंपासमोरील शेतातील पडीत घरात अघोरी पूजा करून गुप्तधनाचा शोध घेणाऱ्या टोळीचा चाळीसगाव पोलिसांनी पर्दाफाश केला असून याबाबत नऊ जणांना अटक केली आहे. त्यांच्याकडून अघोरी पूजेचे, तसेच मोबाइल व चारचाकी वाहनासह आठ लाख रुपये किमतीचे साहित्य जप्त करण्यात आले.
चाळीसगाव शहरातील नागद रोड वरील नायरा पेट्रोल पंपसमोरील शेतातील पडीत घरात काही व्यक्ती आषाढ आमावस्या असल्याचे सकाळच्या प्रहारी आघोरी पुजा करणार आहे अशी गोपनिय माहिती चाळीसगाव शहर पोलीस ठाण्याचे पो.कॉ. पवन पाटील, ज्ञानेश्वर पाटोळे यांना मिळाली. पोलिसांनी लागलीच छापा टाकून त्यांना अटक केली. त्यांच्याकडून अघोरी पूजेचे, तसेच मोबाइल व चारचाकी वाहनासह आठ लाख रुपये किमतीचे साहित्य जप्त करण्यात आले. याप्रकरणी चाळीसगाव शहर पोलिसांत गुन्हा दाखल करण्यात आला आहे.
यांना केली अटक
लक्ष्मण शामराव जाधव (४५, रा. चाळीसगाव), शेख सलीम कुतुबुद्दीन शेख (५६, चाळीसगाव), अरुण कृष्णा जाधव (४२, रा. आसरबारी ता.पेठ), विजय चिंतामण बागूल (३२, रा. नाशिक), राहुल गोपाल याज्ञिक (२६, रा. ननाशी, ता.दिंडोरी), अंकुश तुळशीदास गवळी (२१, रा. जोरपाडा, ता. दिंडोरी), संतोष नामदेव वाघचौरे (४२, रा. नाशिक), कमलाकर नामदेव उशिरे (४७, रा. गणेशपूर, ता.चाळीसगाव) आणि संतोष अर्जुन बाविस्कर (३८, रा. अंतुर्ली, ता.एरंडोल), अशी अटक करण्यात आलेल्यांची नावे आहेत.
Discussion about this post