बुलढाणा । एकीकडे राज्यात महिलांसह मुलींवर होणाऱ्या अत्याचाराच्या घटना सातत्याने समोर येत असताना बुलढाण्याच्या जळगाव जामोद तालुक्यातील भेंडवळ येथे एक धक्कादायक घटना घडली आहे. मित्राचा मित्रावरच अनैसर्गिक अत्याचार केल्याचं समोर आलं आहे. दरम्यान, वारंवार होणाऱ्या लैंगिक त्रासाला कंटाळून पीडित युवकाने अखेर विष प्राशन करून आत्महत्येचा प्रयत्न केला आहे. त्यामुळे परिसरामध्ये एकच खळबळ उडाली आहे.
नेमका प्रकार का?
पोलिसांकडून मिळालेल्या माहितीनुसार, बुलढाणा जिल्ह्याच्या जळगाव जामोद तालुक्यातील भेंडवळ बुद्रुक येथील २३ वर्षीय युवकावर त्याचा २७ वर्ष मित्र मागील एक वर्षापासून अनैसर्गिक अत्याचार करत आहे. पीडित तरूणाने त्याचा मित्र भगवान प्रमोद वाघ याच्या विरोधात बळजबरीने अनैसर्गिक अत्याचार केल्याची तक्रार दाखल केली आहे.
या घटनेतील तक्रारदार आणि आरोपी दोघेही चांगले मित्र आहेत. आरोपीवर वर्षभरापासून अनैसर्गिक अत्याचार होत आहे. वारंवार केलेल्या लैंगिक त्रासाला कंटाळून तक्रारदार युवकाने अखेर विष प्राशन करून आत्महत्येचा प्रयत्न केला आहे. त्यामुळे परिसरामध्ये एकच खळबळ उडाली आहे.
सध्या पीडित तरूण अकोला येथील सामान्य रुग्णालयात उपचार घेत आहे. सध्या त्याची प्रकृती स्थिर असल्याची माहिती मिळत आहे. दरम्यान जळगाव जामोद पोलिसांनी याप्रकरणी आरोपी भगवान प्रमोद वाघ यांच्या विरुद्ध अपराध क्रमांक २०४/२०२४ कलम ३७७ सहकलम अनुसुचित जाती जमाती अत्याचार प्रतिबंध अधिनियम नुसार गुन्हा दाखल केला (crime) आहे. पुढील तपास उप विभागीय पोलीस अधिकारी करत आहेत. पोलीस याप्रकरणी तपास करत आहेत. मित्रानेच असं पाऊल उचलल्यामुळे सर्वांना धक्का बसत आहे.
Discussion about this post