जळगाव : गुरांचा चारा पाहून परतणाऱ्या मावस भावांच्या दुचाकीला डंपरची धडक दिली. यात १३ वर्षीय मुलगा जागीच ठार झाला. राहून कैलास पाटील (रा. चिंचोली, ता. जळगाव, वय.१३) असं अपघातातील मयत मुलाचे नाव असून तर त्याचा मावसभाऊ अक्षय संदीप पिके (वय २६) हा तरुण जखमी झाला. ही घटना काल शुक्रवारी सायंकाळी लेंडी नाला पूलाजवळच्या पुढे आसोदा रस्त्यावर झाला. अपघातानंतर चालक डंपर जागेवर सोडून फरार झाला.
चिंचोली येथील मजुरी करणारे कैलास पाटील यांचा मुलगा रोहन व त्याचा मावसभाऊ अक्षय इथे हे दोघेजण शुक्रवारी सायंकाळी आसोदा येथे दुचाकीने (एमएच १९ डीएफ ६५०१) या दुचाकीवर गुरांसाठी चारा पाहण्यासाठी गेले होते. तेथून दोघेजण परतत असताना लेंडी नाला पुलाच्या अगोदर समोरून येणाऱ्या डंपरची (एमएच १५. ३७२३) दुचाकीला धडक बसली.
त्यात अक्षय हा रस्त्याच्या कडेला फेकला गेला, तर रोहन मागच्या चाकाखाली आल्यामुळे तो जागीच ठार झाला. अपघातानंतर तालुका पोलीस घटनास्थळी पोहोचल्यावर मृतदेह शासकीय वैद्यकीय महाविद्यालय व रुग्णालयात नेण्यात आला. अपघात होताच डंपरचालक वाहन जागेवर सोडून पसार झाला असून पोलिसांनी डंपर ताब्यात घेतलं आहे.
Discussion about this post