भुसावळ । आगामी नाताळ व इतर सणांच्या पार्श्वभूमीवर प्रवाशांची होणारी अतिरिक्त गर्दी लक्षात घेता मध्य रेल्वेने अनेक विशेष गाड्यांना मुदतवाढ देण्याचा निर्णय घेतला आहे. यामध्ये अकोलामार्गे धावणाऱ्या नागपूर – मडगाव द्विसाप्ताहिक एक्स्प्रेससह पाच विशेष रेल्वे गाड्यांचा समावेश असल्याने अकोलेकर प्रवाशांची सोय झाली आहे.
बडनेरा ते नाशिक या दोन स्थानकांदरम्यान धावणऱ्या बडनेरा – नाशिक – बडनेरा विशेष मेमूच्या १ जानेवारी २०२४ ते ३१ मार्च २०२४ या कालावधीत १८२ फेऱ्या वाढविण्यात आल्या आहेत. ३१ डिसेंबरपर्यंत अधिसूचित असलेल्या ०१२११ बडनेरा – नाशिक विशेष गाडीला ३१ मार्च २०२४ पर्यंत, तर ०१२१२ नाशिक – बडनेरा विशेष गाडीला ३१ मार्च २०२४ पर्यंत मुदतवाढ देण्यात आली आहे.
मध्य रेल्वेच्या भुसावळ विभाग रेल्वे प्रबंधक कार्यालयाकडून प्राप्त माहितीनुसार, ३० डिसेंबरपर्यंत अधिसूचित असलेली ०११३९ नागपूर – मडगाव विशेष आता ३० मार्च २०२४ पर्यंत धावणार आहे. ३० डिसेंबरपर्यंत अधिसूचित असलेली ०११४० मडगाव – नागपूर विशेष ३१ मार्चपर्यंत धावणार आहे. या गाड्यांच्या अप व डाऊन मार्गावर एकूण ५२ फेऱ्या वाढविण्यात आल्या आहेत. ०१४३९ पुणे – अमरावती द्विसाप्ताहिक विशेष आता ३१ मार्च २०२४ पर्यंत, तर ०१४४० अमरावती – पुणे विशेष १ एप्रिल २०२४ पर्यंत धावणार आहे. या गाड्यांच्याही अप व डाऊन मार्गावर एकूण ५२ फेऱ्या वाढविण्यात आल्या आहेत.
०२१३९ छत्रपती शिवाजी महाराज टर्मिनस – नागपूर विशेष आता १५ फेब्रुवारी २०२४ पर्यंत, ०२१४० नागपूर – छत्रपती शिवाजी महाराज टर्मिनस विशेष १७ फेब्रुवारी २०२४ पर्यंत धावणार आहे. या गाड्यांच्या अप व डाऊन मार्गावर एकूण २८ फेऱ्या वाढविण्यात आल्या आहेत.
०२१४४ नागपूर – पुणे साप्ताहिक विशेष एक्स्प्रेसला १५ फेब्रुवारी २०२४ पर्यंत, तर ०२१४३ पुणे – नागपूर साप्ताहिक विशेष एक्स्प्रेसला १७ फेब्रुवारी २०२४पर्यंत मुदतवाढ देण्यात आली आहे. या गाड्यांच्या अप व डाऊन मार्गावर एकूण १४ फेऱ्या वाढविण्यात आल्या आहेत.
Discussion about this post