छत्तीसगडच्या सुकमा येथे नक्षलवाद्यांचा मोठा हल्ला, CRPFचा एक जवान शहीद, एकाची प्रकृती चिंताजनक

सुकमा : छत्तीसगडमधील सुकमा येथे नक्षलवाद्यांचा मोठा हल्ला झाला आहे. ज्यामध्ये CRPF चा एक जवान शहीद झाला आहे. या हल्ल्यात एक जवानही गंभीर जखमी झाल्याचं सांगण्यात येत आहे. मिळालेल्या माहितीनुसार, जगरगुंडा येथील बेद्रे भागात नक्षलवाद्यांनी हल्ला केला आहे. असे सांगण्यात येत आहे की जेव्हा नक्षलवाद्यांनी हल्ला केला तेव्हा सीआरपीएफचे जवान परिसरात वर्चस्वासाठी बाहेर पडले होते.

गेल्या एका आठवड्यात छत्तीसगडमध्ये 6 नक्षलवादी हल्ले झाले आहेत. त्यांच्याकडून ५० हून अधिक आयईडी स्फोटके जप्त करण्यात आली आहेत. याच्या तीन दिवसांपूर्वी छत्तीसगडच्या कांकेरमध्ये नक्षलवाद्यांनी भूसुरुंगाचा स्फोट केला होता. या स्फोटात सीमा सुरक्षा दलाचा (बीएसएफ) एक जवान शहीद झाला. नक्षलवाद्यांच्या हल्ल्यात शहीद झालेला हा जवान उत्तर प्रदेशचा रहिवासी होता.

परतापूर पोलीस ठाण्याच्या हद्दीतील सदकटोला गावात भूसुरुंग स्फोट झाला. स्फोट झाला तेव्हा बीएसएफ आणि जिल्हा पोलीस दलाचे जवान तेथे संयुक्तपणे गस्त घालत होते. या धडकेत बीएसएफचा एक जवान शहीद झाला. यापूर्वी नारायणपूरमध्ये नक्षलवाद्यांनी हल्ला केला होता.