आदिवासी विकास विभागातील शिक्षक पदांसाठी मोठी भरती प्रक्रिया सुरू असून, विविध माध्यमांच्या प्राथमिक, माध्यमिक आणि उच्च माध्यमिक शिक्षकांच्या एकूण २,४२१ जागा भरण्यात येणार आहेत. या भरतीमध्ये पेसा आणि नॉन-पेसा क्षेत्रातील पदांचा समावेश आहे. पात्र उमेदवारांना आपल्या पदांचा पसंतीक्रम नोंदविण्यासाठी १३ ऑगस्ट २०२६ पर्यंत मुदत देण्यात आली आहे.
पदाचे नाव & तपशील:
| पद क्र. | पदाचे नाव | क्षेत्र | पद संख्या |
| 1 | प्राथमिक शिक्षक मराठी माध्यम | पेसा | 436 |
| 2 | प्राथमिक शिक्षक मराठी माध्यम | नॉन पेसा | 862 |
| 3 | प्राथमिक शिक्षक इंग्रजी माध्यम | पेसा | 67 |
| 4 | प्राथमिक शिक्षक इंग्रजी माध्यम | नॉन पेसा | 161 |
| 5 | माध्यमिक शिक्षक मराठी माध्यम | पेसा | 138 |
| 6 | माध्यमिक शिक्षक मराठी माध्यम | नॉन पेसा | 352 |
| 7 | माध्यमिक शिक्षक इंग्रजी माध्यम | पेसा | 05 |
| 8 | माध्यमिक शिक्षक इंग्रजी माध्यम | नॉन पेसा | 22 |
| 9 | उच्च माध्यमिक शिक्षक | पेसा | 251 |
| 10 | उच्च माध्यमिक शिक्षक | नॉन पेसा | 106 |
शैक्षणिक पात्रता
प्राथमिक शिक्षक (मराठी व इंग्रजी माध्यम) पदांसाठी उमेदवाराची HSC आणि D.Ed. ही शैक्षणिक पात्रता आवश्यक आहे.
माध्यमिक शिक्षक पदांसाठी B.A. B.Ed. किंवा B.Sc. B.Ed. पात्रता आवश्यक आहे.
तर उच्च माध्यमिक शिक्षक पदांसाठी M.A. B.Ed. किंवा M.Sc. B.Ed. ही पात्रता नमूद करण्यात आली आहे.
१३ ऑगस्टपर्यंत पसंतीक्रम नोंदवा
या भरती प्रक्रियेत पात्र उमेदवारांना उपलब्ध पदांचा पसंतीक्रम नोंदविण्याची अंतिम तारीख १३ ऑगस्ट २०२६ आहे. त्यामुळे इच्छुक आणि पात्र उमेदवारांनी मुदतीपूर्वी आपला पसंतीक्रम नोंदविणे आवश्यक आहे.
एकूण २,४२१ पदे आणि विविध माध्यमांतील संधी उपलब्ध असल्याने शिक्षक भरतीची तयारी करणाऱ्या उमेदवारांसाठी ही मोठी संधी मानली जात आहे.
Discussion about this post