जम्मू । जम्मू आणि काश्मीरच्या दोडा जिल्ह्यात एक भीषण अपघात झालाय. लष्कराचे एक वाहन २०० फूट खोल दरीत कोसळलं असून यात ११ जवानांचा मृत्यू झालाय. तर जखमी झालेल्या जवानांना विमानाने रुग्णलयात पोहोचवण्यात आले.
एका लष्करी अधिकाऱ्याने सांगितले की, २१ सैनिक या वाहनातून प्रवास करत होते. भादरवाह-चंबा आंतरराज्य रस्त्यावर खन्नी टॉपजवळ चालकाचे वाहनावरील नियंत्रण सुटल्याने हा अपघात झाला.
या अपघातात १० सैनिक शहीद झाले आणि ११ जण जखमी झालेत. दुर्घटनेची माहिती मिळताच बचाव दल घटनास्थळी दाखल झाले असून त्वरीत मदत कार्य सुरू करण्यात आले. अपघातात जखमी झालेल्या जवानांना विमानाने रुग्णालयात पोहोचवण्यात आले आहे. तीन सैनिकांची प्रकृती गंभीर असल्याचे वृत्त आहे आणि त्यांना उधमपूर येथील लष्करी रुग्णालयात रेफर करण्यात आले आहे.
मुख्यमंत्री ओमर अब्दुल्ला यांनी प्राण गमावलेल्या सैनिकांच्या कुटुंबियांबद्दल मनापासून संवेदना व्यक्त केल्या आणि जखमींना लवकर पुनर्प्राप्तीसाठी शुभेच्छा दिल्या. अब्दुल्ला यांनीही त्वरित बचाव आणि स्थलांतर प्रयत्नांचे कौतुक केले. संरक्षण मंत्री राजनाथ सिंह यांनी शोकसंवेदना व्यक्त केल्या. जखमी सैनिकांना वैद्यकीय सेवा मिळत आहे आणि सर्वोत्तम उपचार मिळावेत यासाठी आवश्यक त्या सर्व सूचना देण्यात आल्या आहेत.
Discussion about this post