जळगाव जिल्ह्यात साडे नऊ वाजेपर्यंत इतके टक्के मतदान?

जळगाव । नगरपरिषद आणि नगरपंचायत निवडणुकांचे प्रचार शिगेला पोहोचले होते. आज अखेर मतदान प्रक्रियेला सुरूवात झाली आहे. जळगाव जिल्ह्यात 16 नगरपरिषदा व २ नगरपंचायतींसाठी मतदान सुरू आहे.

सकाळी ७.३० ते ९.३० या वेळेत जिल्ह्यात एकूण ६.१ टक्के एवढे मतदान पार पडले. एकूण ८ लाख ८१ हजार ५१० मतदारांपैकी आतापर्यंत ५२ हजार ९७७ मतदारांनी मतदानाचा हक्क बजावला. यात ३० हजार ४७९ पुरुष तर २२ हजार ४९५ महिलांनी आतापर्यंत मतदानाचा हक्क बजावला.