मुंबई । मुंबईमधील पवईमधून एक धक्कादायक घटना समोर आलीय. ज्यात दिवसाढवळ्या लहान मुलांना एका स्टूडियोमध्ये ओलिस ठेवल्याची घटना उघडकीस आली. पवईतील आर ए स्टुडिओमध्ये हा प्रकार घडला असून या घटनेने परिसरात खळबळ उडाली आहे.
समोर आलेल्या माहितीनुसार गेल्या चार ते पाच दिवसांपासून या स्टूडिओमध्ये ऑडिशन सुरू होतं, आज देखील या स्टूडिओमध्ये ऑडिशनला सुरुवात झाली. इथे सकाळी 100 मुलं ऑडिशनसाठी आले होते,
या स्टूडिओमध्ये काम करणाऱ्या आणि यूट्यूब चॅनल चालवणाऱ्या रोहित आर्या याने 80 मुलांना घरी पाठवलं, पंरतु उर्वरीत सर्व मुलांना त्याने तेथील स्टूडिओच्या एका रूमध्ये बंद केलं, ही मुलं खिडकीमधून बाहेर डोकावत होती, दरम्यान मुलांना डांबून ठेवल्याची घटना समोर येताच स्टूडिओबाहेर एकच गोंधळ उडाला.
15 ते 20 मुलांना स्टूडिओमध्ये डांबून ठेवल्याची माहिती मिळताच पोलीस तातडीनं घटनास्थळी दाखल झाले. पोलिसांनी चारही बाजुनं स्टूडिओला वेढा टाकला. त्यानंतर पोलिसांनी या मुलांची अखेर आता सुटका केली असून, आरोपीला ताब्यात घेण्यात आलं आहे, घटनेबाबत अधिक तपास सुरू असल्याची माहिती पोलिसांनी दिली.
Discussion about this post