मुंबई । देशभरात आजपासून GST चे नवे स्लॅब लागू होणार असून या नव्या नियमांनुसार जवळपास सर्वच वस्तू आणि सेवा या ५ आणि १८ टक्के स्लॅबमध्ये समाविष्ट करण्यात आल्या आहेत. मात्र या नव्या जीएसटी दरांमुळे महाराष्ट्र राज्याच्या महसुलात मोठी घट होण्याची शक्यता जाणकारांकडून वर्तवली जात आहे.नव्या GST दरांमुळे महाराष्ट्राचा महसूल जवळपास १० हजार कोटी ते १२ हजार कोटींनी कमी होण्याची शक्यता आहे. या आकडेवारीबाबत अर्थखात्याकडून अद्याप कोणतीही अधिकृत प्रतिक्रिया देण्यात आलेली नाही.
महाराष्ट्राला मोठा फटका हा ऑटोमोबाईल आणि इलेक्ट्रॉनिक उद्योगातून मिळणाऱ्या महसुलात होण्याचा अंदाज वर्तवला जात आहे. महाराष्ट्र हा ऑटोमोबाईल आणि इलेक्ट्रॉनिक वस्तू उत्पादन आणि उपभोगाचं उग्रणी राज्य म्हणून गणलं जातं. महाराष्ट्र सरकारनं आर्थिक वर्षात २.४६ लाख कोटी जीएसटी उत्पन्न मिळवण्याचं टार्गेट सेट केलं होतं. सरकारनं २०२४-२५ या आर्थिक वर्षापेक्षा २० टक्के जास्त जीएसटी कलेक्शन होईल असा अंदात होता.मात्र जुलै महिन्याच्या शेवटीपर्यंत ५७ हजार ९७० कोटी जीएसटी कलेक्शन झालं आहे.
दरम्यान आता नव्या GST दरांमुळे सर्वसामान्यांना दिलासा तर मिळेल मात्र महाराष्ट्राचा महसूल कमी होण्याची शक्यता आहे. ‘महाराष्ट्राचा जीएसटी महसूल जवळपास १० हजार ते १२ हजार कोटी रूपयांनी कमी होण्याची शक्यता आहे. राज्याला ऑटोमोबाईल क्षेत्रातून मिळणारा महसूल जवळपास ७ हजार कोटी रूपयांनी घटण्याची शक्यता आहे. तर उर्वरित तोटा हा इलेक्ट्रॉनिक्स आणि व्हाईट गूड्स सेक्टरमधून होईल.’
Discussion about this post