जळगाव | जळगाव विमानतळावरून सुरु असलेल्या विमानसेवेला प्रवाशांकडून चांगला प्रतिसाद मिळत असताना जळगावातून अहमदाबाद व मुंबई शहरांना विमान सेवा पुरवणाऱ्या अलायन्स एअर या विमान कंपनीने तांत्रिक कारणाने ३१ ऑगस्टपर्यंत विमान सेवा स्थगित केली आहे.यामुळे प्रवाशांमध्ये नाराजी आहे
जळगाव विमानतळावरून फ्लाय ९१ व अलायन्स एअर या दोन विमान कंपन्या सहा ठिकाणी विमानसेवा देतात. यात अलायन्स एअर ही शासकीय कंपनी असून, ती मुंबई व अहमदाबाद या दोन शहरांना सेवा पुरवते. आतापर्यंत अनेकदा या दोन्ही शहरांसाठी विमान ऐनवेळी रद्द करण्यात आले आहे. विमान कंपनीतर्फे तांत्रिक कारणामुळे ३१ ऑगस्टपर्यंत अहमदाबाद फ्लाइटचे बुकिंग घेण्यात येणार नसल्याचे जाहीर केले.
त्याच प्रमाणे मुंबई सेवाही खंडित राहणार असल्याचे सांगण्यात आले आहे. अलायन्स एअर या शासकीय विमान कंपनीचे अनेक विमाने ही जुनी झालेली असल्याने त्यांच्यात तांत्रिक बिघाड झाल्याने ते अहमदाबाद विमानतळ येथे उभे करून ठेवण्यात आले असल्याचे सांगण्यात येते आहे.
Discussion about this post