प्रत्येक प्रियकराची इच्छा असते की छान निसर्गाच्या कुशीत आपल्या प्रेमाची कबुली द्यावी. पण अनेकदा असे रोमँटिक स्वप्न एखाद्या अनपेक्षित अपघातात बदलू शकते. सध्या सोशल मीडियावर एक व्हिडीओ व्हायरल होत आहे. या व्हिडीओमध्ये एका तरुणाला आपल्या प्रेयसीला प्रपोज करणे चांगलेच महागात पडले आहे.
एका रोमँटिक प्रपोजलचे वेदनादायक अपघातात रुपांतर झाल्याचा हा व्हिडिओ आहे. व्हिडीओत एक तरुण आपल्या प्रेयसीला प्रपोज करताना दिसत आहे. यासाठी त्याने एक भन्नाट जागा निवडली. तो त्याच्या प्रेयसीला घेऊन एका सुंदर धबधब्यावर गेला. यानंतर तो प्रेयसीला प्रपोज करण्यासाठी धबधब्याच्या मधोमध असलेल्या निसरड्या खडकांवर उभा राहिल्याचे दिसत आहे.
A dude pops the question to his girl in a crazy dangerous spot…🥺 💔 pic.twitter.com/Gzdxfza5hD
— March (@MarchUnofficial) July 4, 2025
त्याची प्रेयसी निसर्गाच्या सौंदर्यात मग्न असताना तो तरुण तिला प्रपोज करण्याची तयारी करत असतो. त्याचवेळी अचानक त्याचा पाय घसरतो आणि तो वेगाने वाहणाऱ्या धबधब्यात कोसळतो. यानंतर क्षणात तो तरुण पाण्याच्या जोरदार प्रवाहाबरोबर वाहत पुढे जातो. आपल्या डोळ्यासमोर घडलेला हा प्रकार पाहून त्याची प्रेयसी पूर्णपणे हादरून जाते. तिच्या तोंडातून शब्दही फुटत नसल्याचे पाहायला मिळत आहे.
Discussion about this post