एसटी महामंडळाने सेवानिवृत्त कर्मचाऱ्यांसाठी एक महत्वाचा निर्णय घेतला आहे. एसटीच्या या निर्णयानंतर लाभ मिळणं सोपं होणार आहे. निवृत्त कर्मचाऱ्यांना आता ओळखपत्र देण्यात येणार आहे. सेवा निवृत्तीनंतरच्या सवलती घेताना कोणतीही अडचण येऊ नये म्हणून हा मोठा निर्णय घेण्यात आला आहे.
एसटी महामंडळामध्ये सध्या ४० हजार निवृत्त कर्मचारी आहेत. सेवानिवृत्त कर्मचाऱ्यांना देण्यात येणारा मोफत प्रवास पास ९ ऐवजी १२ महिन्यांसाठी मिळणार आहे. सेवानिवृत्त कर्मचाऱ्यांच्या पत्नीलाही वर्षभर हा मोफत पास मिळणार आहे.
दरम्यान, गेल्या काही दिवसांपूर्वी एसटी महामंडळातील कर्मचाऱ्यांना मूळ वेतनावर जूनपासून ४६ टक्क्यांऐवजी ५३ टक्के महागाई भत्ता मिळणार असल्याची घोषणा उपमुख्यमंत्री एकनाथ शिंदे यांनी केली होती. तसेच महात्मा फुले जनआरोग्य योजना किंवा धर्मवीर आनंद दिघे वैद्यकीय प्रतिपूर्ती योजना यापैकी एक पर्याय निवडत एक कोटी रुपयांचे अपघाती विमा कवच लागू करण्याचा निर्णय घेण्यात आला आहे.
Discussion about this post