जळगाव । जळगाव शहरातील वाघ नगर येथे एक दुखद घटना घडली आहे, ज्यामध्ये डीआरडिओ कार्यालयात काम करणार्या एका कंत्राटी कर्मचाऱ्याने गळफास लावून आत्महत्या केली. अनिल हरी बडगुजर (वय-४६) रा.जीवन नगर ह.मु. वाघ नगर जळगाव असे मयत झालेल्या प्रौढ व्यक्तीचे नाव असून त्यांनी आत्महत्या करण्यापूर्वी घरच्यांना मोबाईलवर एक सुसाईड नोट लिहून सोडली होती.
या नोटमध्ये त्यांनी कार्यालयातील ९ जणांवर गंभीर आरोप करत पैशांची मागणी केल्याचे नमूद केले होते. त्यांनी आरोप केला की कार्यालयातील वरिष्ठ अधिकारी आणि इतर कर्मचारी त्यांच्यावर सतत छळ करत होते, ज्यामुळे त्यांना आत्महत्येचा मार्ग स्वीकारावा लागला.या संदर्भात जळगाव तालुका पोलीस ठाण्यात नोंद घेण्याचे काम सुरू होते.
याबाबत अधिक माहिती अशी की, शहरातील जीवन नगरातील रहिवाशी असलेला अनिल बडगुजर हे वाघ नगर येथे एकटेच वास्तव्याला होते. जिल्हा परिषदेतील डीआरडीओ विभागातील बचतगट विभागात कंत्राटी पध्दतीने ते मॅनेजर म्हणून काम करत होते. सोमवारी २६ जानेवारी रोजी रात्री ९.३० वाजता त्यांनी वाघ नगर येथील राहत्या घरात त्यांने गळफास घेवून आत्महत्या केली. आत्महत्या करण्यापुर्वी त्यांनी सुसाईड नोट लिहून आईवडील व भाऊ यांच्या मोबाईलवर पाठवून दिली होती. सुसाईड नोट वाचून अनिलचे वडील हरी बडगुजर आणि भाऊ अमित बडगुजर हे दोघी तातडीने वाघ नगर येथील राहत्या घरी धाव घेतली पण तोपर्यंत उशीर झाला होता.
दरम्यान या संदर्भात कुटुंबीयांनी सांगितले की, अनिल याला गेल्या दोन वर्षांपासून त्यांच्या विभागातील बचत गटातील महिला व कर्मचारी हे विनयभंग आणि बलात्काराचा गुन्हा दाखल करण्याची धमकी देत होते. या तसेच स्थानिक समितीमध्ये अनिलच्या विरोधात तक्रारही केली होती. ती तक्रार मागे घेण्यासाठी महिला कर्मचारी यांनी ६ लाखांची मागणी केली. सुरूवातीला ६ लाख रूपये दिले परंतू त्यानंतर तक्रार मागे न घेता पुन्हा ६ लाखांची मागणी केली. या त्रासाला कंटाळून त्याने आत्महत्या केली आहे. असा आरोप आई लिला बडगुजर आणि बहिण स्वाती पचलोड यांनी केला आहे. दोषींना अटक करण्यात यावी आणि आम्हाला न्याय देण्यात यावा अशी मागणी देखील त्यांनी केली आहे.
Discussion about this post