१०वी आणि १२वी पाससाठी रेल्वेत नोकरीची मोठी संधी

रेल्वेमध्ये सरकारी नोकरी करण्याची अनेकांची इच्छा असते. नुकतेच शिक्षण पूर्ण झालेल्या तरुणांसाठी नोकरीची सुवर्णसंधी आहे. रेल्वेत अप्रेंटिस पदासाठी भरती जाहीर करण्यात आली आहे. अप्रेंटिस पदासाठी अर्जप्रक्रिया १० नोव्हेंबरपासून सुरु झाली आहे. या नोकरीसाठी अर्ज करण्याची शेवटची तारीख १० डिसेंबर २०२४ आहे.

नॉर्थ वेस्टर्न रेल्वे अप्रेंटिसशिप पदासाठी इच्छुक उमेदवारांनी लवकरात लवकर अर्ज करावेत. उमेदवारांनी rractapp.in या वेबसाइटवर जाऊन अर्ज करावेत.रेल्वेतील अप्रेंटिस पदासाठी अर्ज करणाऱ्या उमेदवारांनी मान्यताप्राप्त बोर्डातून किंवा संस्थेतून १० आणि १२ वी पास केलेले असावे. त्याचसोबत संबंधित ट्रेडमध्ये ITI,NCVT/SCVT उत्तीर्ण केलेले असावे. या नोकरीसाठी १५ ते २४ वयोगटातील उमेदवार अर्ज करु शकतात. या नोकरीबाबत सर्व माहिती अधिकृत वेबसाइटवर देण्यात आली आहे.

शुल्क
या नोकरीसाठी अर्ज करण्यासाठी उमेदवारांनी १०० रुपये भरायचे आहेत.तसेच राखीव प्रवर्गातील उमेदवारांना कोणतेही शुल्क भरायचे नाहीत.

अर्ज कसा करावा?
या नोकरीसाठी अर्ज करण्यासाठी rrcactapp.in या साइटवर क्लिक करा.
त्यानंतर वेबसाइटच्या मुख्य पेजवर जाऊन न्यू रजिस्ट्रेशन लिंकवर क्लिक करा.
रजिस्ट्रेशननंतर लॉग इन करुन सर्व माहिती भरुन अर्जप्रक्रिया पूर्ण करा.
यानंतर अर्ज फी जमा करा.यानंतर फॉर्मची प्रिंट आउट काढून ठेवा.