मध्यप्रदेशातील छतरपूर येथे केवळ दुखावली गेल्याने एका डेप्युटी कलेक्टरने थेट पदाचाच राजीनामा दिला आहे. त्यांच्या घरी आयोजित धार्मिक विधीला उपस्थित राहण्यास सामान्य प्रशासन विभागाने परवानगी नाकारल्यामुळेच त्यांच्या नोकरीचा राजीनामा दिला. त्यामुळे या महिला अधिकाऱ्याच्या राजीनाम्याची सध्या जोरात चर्चा सुरू आहे.
जिथे निशा बांगरे असं या उपजिल्हाधिकारी महिलेचं नाव आहे. निशाला 25 जूनपासून बैतूल जिल्ह्यातील आमला येथे सुरू होणाऱ्या आंतरराष्ट्रीय सर्वधर्म शांती परिषदेत सहभागी व्हायचे होते, त्यासाठी तिने रजा मागितली होती आणि अर्जही केला होता, परंतु सामान्य प्रशासन विभागाने त्यांना या कार्यक्रमात सहभागी होण्याची परवानगी दिली नाही. या कार्यक्रमाचे संयोजक त्यांचे पती आहेत. त्यांना घराच्या गृहप्रवेशसोबतच तिला जागतिक शांततेचे दूत तथागत बुद्धांच्या अस्थी दर्शनासाठी जायचे होते.
निशा निवडणूक लढवणार?
सुट्टी आणि धार्मिक कार्यक्रमाला जाण्याची परवानगी न मिळाल्याने संतप्त झालेल्या निशा बांगरे यांनी सामान्य प्रशासन विभागाच्या प्रधान सचिवांना पत्र लिहून आपल्या पदाचा राजीनामा दिला आहे. तिच्या धार्मिक भावना दुखावल्या गेल्या आहेत, त्यामुळे मी राजीनामा देत आहे, असे त्यांचे म्हणणे आहे.
निशा बांगरे बऱ्याच दिवसांपासून रजेवर असल्याने आगामी विधानसभा निवडणुकीत आमला येथून निवडणूक लढवणार असल्याची चर्चा आहे. एकदा त्यांनी स्वतः असेही म्हटले आहे की जर जनतेला हे हवे असेल तर मी याचा विचार करेल.
Discussion about this post