केंद्र शासनाच्या नोकरीची सुवर्णसंधी ; 500 हून अधिक पदांसाठी ही भरती सुरू

नोकरीच्या शोधात असलेल्या तरुणांसाठी आनंदाची बातमी आहे. विशेष म्हणजे 500 हून अधिक पदांसाठी ही भरती सुरू आहे. भारतामधील नवरत्न कंपन्यांपैकी एक असलेली नेवेली लिग्नाइट कॉर्पोरेशनकडून भरती राबविली जात असून यासाठी उमेदवार ऑनलाईन आणि ऑफलाईन अशा दोन्ही पद्धतीने आरामात अर्ज करू शकता. nlcindia.in या साईटवर जाऊन आपल्याला भरतीसाठी ऑनलाईन पद्धतीने अर्ज करता येतील. शिवाय याच साईटवर आपल्याला भरती प्रक्रियेची सविस्तर माहिती ही देखील आरामात मिळेल.

या भरती प्रक्रियेतून एकून 504 जागा या भरल्या जातील. यामध्ये 197 पदे अभियांत्रिकी पदवीधरांसाठी असून 155 पदे अभियांत्रिकी पदवीधर नसलेल्यांसाठी आहेत. तंत्रज्ञ डिप्लोमा अप्रेंटिसीची एकून 153 पदे आहेत. या भरती प्रक्रियेसाठी शिक्षणाची अट ही लागू करण्यात आलीये. भरतीसाठी अर्ज करणाऱ्या उमेदवाराकडे मान्यताप्राप्त संस्थेतून अभियांत्रिकीची पदवी असणे आवश्यक आहे.

जर आपण या भरती प्रक्रियेसाठी ऑनलाईन पद्धतीने अर्ज करणार नसाल तर ऑफलाईन पद्धतीने अर्ज करण्यासाठी आपल्याला जनरल मॅनेजर, लर्निंग अँड डेव्हलपमेंट सेंटर, एनएलसी इंडिया लिमिटेड, नेवेली या पत्त्यावर अर्ज करावा लागेल. फक्त अर्जच नाही तर यासोबतच आपल्याला काही कागदपत्रांच्या झेरॉक्स देखील जोडाव्या लागतील.

या भरती प्रक्रियेसाठी उमेदवारांना कोणत्याही प्रकारची परीक्षा ही द्यावी लागणार नाहीये. उमेदवाराची निवड ही थेट गुणवत्तेच्या आधारे करण्यात येईल. ऑफलाईन पद्धतीने अर्ज करणाऱ्या उमेदवाराला 7 सप्टेंबर 2024 पर्यंत अर्ज करता येतील. त्यानंतर आलेले अर्ज हे स्वीकारले जाणार नाहीत.