जळगाव : लोकसभा निवडणूकीच्या तोंडावर उन्मेष पाटील यांनी भाजपला सोडचिट्टी देऊनं ठाकरे गटाच्या शिवसेनेत प्रवेश केला. कट्टर समर्थक करण पवार यांना सोबत घेऊन त्यांना जळगाव लोकसभेची उमेदवारी मिळवून दिली आहेत. दरम्यान ठाकरे गटाचे उमेदवार करण पवार यांनी भाजप सोडण्याचे कारण सांगितलं आहेत.
सत्य वेगळं असतं आणि बाहेर वेगळं दाखवलं जात असल्याचा अनुभव भाजपात आला. त्यामुळेच आपण भाजप सोडून ठाकरे गटात सहभागी झालो, असं जळगाव लोकसभा मतदारसंघाचे उमेदवार करण पवार यांनी म्हटलं. काल महाविकास आघाडीची बैठक पार पडली. या बैठकीत बोलताना उमेदवार करण पवार यांनी भाजपावर टीका केली.
करण पवार म्हणाले, भाजपामध्ये असताना आत सत्य वेगळे असायचे आणि बाहेर सोई नुसार वेगळे दाखविले जायचे आणि म्हणूनच आपण भाजपा सोडून उद्धव ठाकरे यांच्याकडे आलो आहे. भाजपकडे सत्ता, पैसा,यंत्रणा असल्याने ते काहीही बोलू शकतात . कोणालाही काही म्हणत आहेत. सत्ता असल्याने आव्हान मोठे आहे पण जनतेच्या दरबारात न्याय मिळेल अशी आशा आहे.सत्ता असल्याने पैसा ,दबाव तंत्र, यंत्रणा आहे. ते मोठे लोक असल्याने ते कोणालाही काहीही म्हणू शकतात. मात्र विरोधात गेलो असल्याने विरोध होईल हे अपेक्षित असताना ही आपण विरोधकांच्या भूमिकेत उद्धव ठाकरे गटाकडे आलो आहोत आणि जनतेतून आम्हाला चांगला प्रतिसाद मिळत असल्याचा अनुभव येत आहे.
