जळगाव । जळगाव जिल्ह्यातील रावेर लोकसभा मतदार संघात महायुतीकडून भाजपने रक्षा खडसेंना उमेदवारी जाहीर केली असून मात्र दुसरीकडे राष्ट्रवादीला (शरदचंद्र पवार गट) सक्षम उमेदवार मिळत नसल्याने तारीख पे तारीख सुरू असा सिलसिला गेले काही दिवस सुरू होता. या संदर्भात मुंबईत बैठक घेण्यात आली. अखेर रावेर मतदारसंघाचा तिढा सुटला असून राष्ट्रवादी शरदचंद्र पवार गटाकडून अॅड रवींद्र भैय्या पाटील यांची रावेर च्या लोकसभा मतदार संघातून वर्णी लागली आहे.
अॅड रवींद्र भैय्या पाटील हे शरद पवार यांच्या राष्ट्रवादीचे जिल्हाध्यक्ष आहेत. आज संध्याकाळ पर्यंत शरद पवारांच्या राष्ट्रवादीकडून रावेर लोकसभेच्या उमेदवाराची घोषणा होणार असल्याची माहिती माहिती समोर आली आहे.
राष्ट्रवादी काँग्रेस शरदचंद्र पवार पक्षाच्या प्रमुख नेत्यांची आज पुण्यात बैठक होणार आहे. या बैठकीत सातारा, माढा आणि रावेर या तीन लोकसभा मतदारसंघातील उमेदवार निश्चित होण्याची शक्यता आहे. रावेर लोकसभा मतदारसंघातूनअॅड रवींद्र भैय्या पाटील , सातारा लोकसभा मतदारसंघातून शशिकांत शिंदे किंवा पृथ्वीराज चव्हाण तर माढा लोकसभा मतदारसंघातून धैर्यशील मोहिते पाटील, अनिकेत देशमुख आणि अभय जगताप यांच्यापैकी एका नावाची घोषणा होण्याची शक्यता आहे.
Discussion about this post