मुंबई । राज्यातील वातावरणात पुन्हा एकदा बदल झाला असून कुठे उन्हाचा चटका वाढला आहे. तर कुठे अवकाळी पावसाचे ढग दाटून आले आहे. राज्यात वादळी पाऊस आणि गारपिटीला पोषक हवामान होत असून पुढील 24 तासांत काही भागात अवकाळी पावसाचा अंदाज हवामान खात्याने आहे. विदर्भ, मराठवाड्यामध्ये आज पाऊस आणि गारपिटीचा इशारा हवामान विभागाने दिला आहे.
हवामान विभागाने आज ८ एप्रिल रोजी विदर्भ आणि मराठवाड्यात वादळी पाऊस आणि गारपिटीचा इशारा दिला आहे. मध्य महाराष्ट्रातही अवकाळी पावसाचा इशारा हवामान विभागाकडून देण्यात आला आहे. राज्यात सध्या ढगाळ वातावरण आहे. उन्हाच्या झळा आणि तीव्र उकाडा जाणवत आहे.
विदर्भातील अकोला, नागपूर, अमरावती आणि गोंदिया जिल्ह्यात अवकाळी पाऊस गारपिटीचा ‘ऑरेंज अलर्ट’ हवामान विभागाकडून देण्यात आला आहे. तर उर्वरित विदर्भ, मराठवाडा, मध्य महाराष्ट्रात वादळी वाऱ्यासह पाऊस आणि काही ठिकाणी गारपिटीचा इशारा म्हणजेच येलो अलर्ट हवामान विभागाने दिला आहे.
Discussion about this post