जळगाव । भाजपने विद्यमान खासदार रक्षा खडसेंना रावेर लोकसभेसाठी तिसऱ्यांदा उमेदवारी घोषित केली. मात्र यानंतर रावेर लोकसभामध्ये भाजप कार्यकर्त्यांमध्ये नाराजीचा सूर दिसून आला. अनेक कार्यकर्त्यांनी राजीनामे दिले. यातच दुसरीकडे मुक्ताईनगर मतदारसंघाचे अपक्ष आमदार चंद्रकांत पाटील यांच्या गोठात अस्वस्थता पसरली.
आमदार चंद्रकांत पाटील हे अपक्ष आमदार शिंदे गटाचे असले तरी त्यांनी जळगाव जिल्ह्यातील जळगाव आणि रावेर लोकसभा मतदारसंघासाठी उमेदवारी देण्यास जे राजकारण केले आहे, त्यालाच आमदार चंद्रकांत पाटलांनी आक्षेप घेतला आहे. तसेच त्यांचे राजकारणातील कट्टर शत्रू असलेले एकनाथ खडसे यांच्यावर सुद्धा त्यांनी घणाघात केला आहे. मी अपक्ष आमदार असून महायुतीला पाठिंबा दिला असला तरी वेळेवर मी निर्णय घेईल असा इशारा आ. पाटील यांनी दिला आहे.
अपक्ष आमदार आहे त्यामुळे कुणाच्या मी बंधनात नाही. विधानसभेच्या निवडणुकीमध्ये मी माझ्या पद्धतीने नियोजन करेल. सर्वसामान्य कार्यकर्त्यांचं राजकारण नाही. जे दोन दोन पक्षांवर निष्ठा ठेवतात अशा लोकांचा राजकारण चालते.
निष्ठेने काम करणाऱ्या कडे पाठ फिरवली जाते व दोन पक्षांवर निष्ठा ठेवणाऱ्यांला विमान पाठवलं जातं, असं म्हणत आमदार चंद्रकांत पाटील यांनी एकनाथ खडसेंवर टीका केलीय. तसेच मुख्यमंत्र्यांसह शिंदे गटावरही निशाणा साधला.
Discussion about this post