पुणे । राज्यात सध्या लोकसभा निवडणुकीची धामधूम सुरू असून राजकीय नेते मोठमोठ्या सभा घेत आहेत. नरेंद्र मोदी, शरद पवार, उद्धव ठाकरे यांच्या सभांना नागरिकांची मोठी गर्दी होत आहे. याच दरम्यान राष्ट्रवादी काँग्रेस शरचंद्र पवार पक्षाचे आमदार रोहित पवार भाजपच्या सभेला पैसे देऊन रोजंदारीने माणसं बोलावली जात आहे, असा आरोप केला आहे. यासंदर्भातील एक व्हिडीओ देखील त्यांनी आपल्या अधिकृत X अकाउंटवरून (पूर्वीचे ट्विटर) पोस्ट केला आहे.
सगळीकडे कमिशन खाणारी पार्टी म्हणजे भाजप… यांना सभेला पैसे देऊन रोजाने माणसं आणावे लागतात हे आता जगजाहीर आहे, पण या गरीब माणसांच्या पैशातूनही हे कसं कमिशन खातात ते या व्हिडिओत बघा..
आता एकच मिशन..
ज्यांनी खाल्ली दलाली
त्यांना पाठवू घरी!!! pic.twitter.com/hP9kBXhE78— Rohit Pawar (@RRPSpeaks) April 26, 2024
सगळीकडे कमिशन खाणारी पार्टी म्हणजे भाजप, अशी टीका देखील आमदार रोहित पवार यांनी केली आहे.यांना सभेला पैसे देऊन रोजाने माणसं आणावे लागतात हे आता जगजाहीर आहे, पण या गरीब माणसांच्या पैशातूनही हे कसं कमिशन खातात ते या व्हिडिओत बघा, आता एकच मिशन.. ज्यांनी खाल्ली दलाली त्यांना पाठवू घरी, असं म्हणत रोहित पवार यांनी हा व्हिडीओ पोस्ट केला आहे.
या व्हिडीओत काही महिला दिसून येत आहेत. भाजपच्या अमरावतीच्या उमेदवार नवनीत राणा यांच्या सभेसाठी आपण आलो आहोत, यासाठी आपल्याला प्रतिव्यक्ती ३०० रुपये भेटले, असं या महिला व्हिडीओत सांगत आहेत. मात्र, संबधित व्यक्तीने ७०० रुपये घेऊन तुम्हाला फक्त ३०० रुपयेच दिले, असं एकजण या महिलांना सांगत आहे. हा व्हिडीओ सध्या सोशल मीडियावर तुफान व्हायरल होत आहे.
Discussion about this post